ՆԵԽՈՒՐՈՎ (ՔԱՐԱՎՈՒԶՈՎ) ԵՎ ՍԽՏՈՐՈՎ ՏԱՊԱԿԱԾ ՆՈՐ ԿԱՐՏՈՖԻԼ ԵՎ ՆԵԽՈՒՐՈՎ ՁՎԱԾԵՂ ՉՈՐԱՀԱՑՈՎ

Ողջույն բոլորին: Այսօրվա բաղադրատոմսը նվիրված է նեխուրին, և այն շատ հետաքրքիր ձևով է հորինվել: Դուք երբևէ պատաստե՞լ եք նեխուրով և սխտորով տապակած կարտոֆիլով կամ նեխուրով ձվածեղ: Եթե ոչ, ապա անպայման փորձեք, և դուք հաճեիորեն կզարանաք, թե ինչպիսի հրաշալի բույր և համ կհաղորդի այն տապակային կամ ձվածեղին: Այս բաղադրատոմսը հորինվեց այն պատճառով, որ ամուսինս սխալմամբ նեխուր գնեց խանութից սպանախի փոխարեն: Ես էլ որոշեցի դրանով ինչ-որ նոր և հետաքրքիր բաղադրատոմս հորինել: Արդյունքում ստացվեց շատ համեղ ու անուշաբույր կարտոֆիլով տապակա և նույնքան համեղ ձվածեղ: Այսուհետ ես նեեխուր շատ ավելի հաճախ կգնեմ և կփորձեմ այն ներառել մեր սննդակարգի մեջ, քանի որ բոլորիս է հայտնի, թե որքան օգտակար և բուժիչ հատկություններ ունի նեխուրը : Ահա և բաղարատոմսի վերջնատկան տեսքը: Իմ կարծիքով այն շատ ախորժաբեր տեսք ունի: Իսկ դու՞ք ինչ եք կարծում: Կփորձե՞ք երբևէ պատրաստել այս բաղադրատոմսը: :) :) :)

Այժմ անցենեք բաղադրատոմսին: Ձեզ անհրաժեշտ են հետևյալ մթերքները․

• նոր կարտոֆիլ (1կգ)
• նեխուր (քարավուզ) ( 1կապ, որից ստացվեց մոտ 2 բաժակ ձողերով կտրատված նեխուր, կանաչ տերևները հանկարծ չշպրտեք, այն օգտագործելու ենք ձվածեղի մեջ)
• սխտոր և սոխ ( 5+2 պճեղ (2 պճեղն օգտագործելու ենք ձվածեղի մեջ), 1 գլուխ սոխ
• ձու (4 հատ) 
• համեմ (մի փոքր փունջ)
• կանաչ սոխ (մի փոքր փունջ)
• բուսայուղ (4+ 2 ճաշի գդալ, այսինքն ես ընդհանուր օգտագործել եմ 6 ճաշի գդալ, դուք գտագործեք այնքան, ինչքան սովորաբար լցնում եք)
• աղ (ըստ ճաշակի)
• սև և կարմիր պղպեղ (ըստ ճաշակի, ես օգտագործել եմ 1/2 թեյիի գդալ սև պղպեղ և 2 թեյի գդալ կարմիր քաղցր պղպեղ
• չաման (1 թեյի գդալ, եթե չեք սիրում, կարող եք չլցնել)
• հաց  (չորահացի համար)

Անցնենք պատրաստման եղանակին․

• Նոր կարտոֆիլը խոզանակով լավ լվանալ հոսող ջրի տակ: Եթե կարտոֆիլները տարբեր չափերի են, խոշորը կիսել, փոքրերը թողնլ առանց կտրելու: 
• Տապակի մեջ բուսայուղ լցնել, դնել կրակին և մի քիչ տաքացնելուց հետո ավելացնել կարտոֆիլները: Համեմել աղով, սև և կարմիր պղպեղներով, չամանով: Մի լավ խառնելուց հետո փակել կափարիչով և տապակել մոտ 15 -20 րոպե (ցածր կրակի տակ) կամ մինչև որ կարտոֆիլները կիսով չափ եփված լինեն:

• Այս ընթացքում նեխուրը կտրատել 3-4 սմ ձողերի: Կանաչ տերևները նույնպես կտրաստել մանր մասերի, իսկ սխտորի պճեղները կիսել երկու մասի: Եթե գլուխ սոխ եք ավելացնելու բաղադրատոմսին, գլուխ սոխն էլ կտրատել խոշոր կտորների (օղակաձև կամ կիսալուսնաձև): Կանաչ սոխն ու համեմը նույնպես մանր կտրատել և դնել մի կողմ:

• Երբ կարտոֆիլներն արդեն կիսաեփ են, ավելացնել նեխուրի ձողերը, սխտորի պճեղները և սոխի կտորները, եթե որոշել եք սոխ օգտագործել: 

• Բանջարեղենըն առանց խառնելու փակել կափարիչով և եփել ևս մոտավորապես 15 րոպե: Նեխուրն ու սխտորը պետք է մնան կարտոֆիլի վրա՝ չկպչեն թավային, որպեսզի ժամանակ ունեն եփվելու: Քանի որ դրանք երկուսն էլ հակում ունեն արագ վառվելու: Իսկ վառված սխտորը կարող է փչացնել ամբողջ ճաշատեսակի համն ու հոտը:

• Մինչ բանջարեղենը եփվում է, կարող եք անցնել ձվածեղի պատրաստմանը: Առանձին թավայի մեջ բուսայուղ լցնել, ավելացնել մանր կտրատված սոխը և սխտորը և տապակել, մինչև ոսկեգույն դառնալը: Այնուհետև ավելացնել նախապես կտրատված նեխուրի տերևները, համեմեք աղով, սև և կարմիր պղպեղներով և տապակել մոտ մեկ-երկու րոպե: Անջատել թավայի տակ և թողնել մի քիչ հովանա:
• Այս ընթացքում հետևեք տապակվող կարտոֆիլին և նեխուրին, խառնեք մի քանի անգամ: Հանեք կափարիչը և թողեք կարմրի: Երբ բանջարեղենն արդեն պատրաստ է, անջատել գազօջախը և ավելացնել կտրատած համեմն ու կանաչ սոխը:

• Այս ընթացքում տապակված նեխուրի տերևները կհասցնեն հովանալ: Ձվերը հարել և տապակված կանաչիների զանգվածը լցնել հարած ձվերի մեջ: Մի լավ խառնելուց հետո, այն հետ լցնել նույն թավայի մեջ, որը պետք է նախապես տաքացնել, փակել կափարիչով և տապակել երկու կողմից, ինչպես սովորաբար տապակում եք ձվածեղը: 

• Քանի որ իմ ընտանիքի բոլոր անդամները չորահաց շատ են սիրում, որոշեցի չորահաց էլ պատրաստել այս բաղադրատոմսում: Չորահացը շատ հեշտ է պատրաստվում: Այն պատրաստելու համար ընդամենը պետք է թավայի մեջ շատ քիչ բուսայուղ լցնել և տապակել հացի կտորները երկու կողմից: Կարող եք բուսայուղ չավելացնել և ջեռոցում չորացնել: 
• Երբ բաղադրատոմսի բոլոր բաղադրիները պատրաստ են կարող եք մատուցել ափսեների մեջ: Ահա և իմ ափսեն, ես որոշեցի մի քիչ թթվաշություն հաղորդել բաղադրատոմսին և մի քիչ կետչուպ ավելացրեցի:

Ինձ շատ դուր եկավ այս բաղադատոմսը: Հուսով ձեզ էլ այն դուր կգա, եթե երբևէ որոշեք փոձել այն: Իսկ ես ձեզ հաճելի օր եմ մաղթում: Մինչ հանդիպում: :) :) :)