Ողջու՜յն բոլորին: Այսօր որոշեցի սպաս պատրաստել և կիսվել ձեզ հետ սպասի պատրաստման իմ բաղադրատոմսով: Եթե ես լավ չեմ զգում և ուզում եմ բեռնաթափել օրգանիզմս, ապա անպայման սպաս եմ պատրաստում: Սպասը կաթնամթերքից պատրաստվող իմ ամենասիրելի ճաշատեսակն է: Այսօր որոշեցի սպասը մատուցել չորահացով: Շատ համեղ համադրություն ստացվեց:
Ահա՝ ես ինչպես եմ պատրաստում հայկական ավանդական սպասը:
Ձեզ անհրաժեշտ են հետևյալ մթերքները,
Այժմ անցնենք պատրաստման եղանակին․
Ահա՝ ես ինչպես եմ պատրաստում հայկական ավանդական սպասը:
Ձեզ անհրաժեշտ են հետևյալ մթերքները,
- մածուն (1լիտր, կարող եք օգտագործել նաև մածուն
+ թթվասեր խառնուրդը) - ձավար (1,5 բաժակ)
- ձու (2 հատ)
- կարագ (50 գր)
- համեմ (մի փոքր փունջ)
- անանուխ (մի քանի ճյուղ)
- ջուր (1լիտր)
- աղ (ըստ ձեր ճաշակի)
- Նախօրոք եփել ձավարը մոտ կես ժամ:
- Մածունը լցնել կաթսայի մեջ, ձվերը ջարդել, մի քիչ աղ ավելացնել և մի լավ խառնել: Դնել կրակին և խառնելով հասցել եռման ջերմաստիճանի:
- Այս ընթացքում 1լ ջուր եռացնել:
- Երբ մածունը սկսում է եռալ, ավելացնել եփած ձավարը (տաք վիճակում) և խառնելով հասցնել եռման ջերմաստիճանի: Այնուհետև ավելացնել եռման ջուրը: Այստեղ շատ կարևոր է, որ բոլոր բաղադրիչները նույն եռման ջերմաստճանն ունենան, որպեսզի մածունն ու ջուրը չառանձնանան իրարից: Եփել մոտ կես ժամ:
- Երբ սպասն արդեն պատրաստ է ավելացնել կարագը, կտրատած համեմն ու անանուխը: Խառնել այնքան, մինչև կարագն ամբողջությամբ հալվի:
- Սպասը վերցնել կրակից և թողնել, մի քիչ հովանա և համեմն ու անանուխն իրենց համն ու բույրը փոխանցեն սպասին:
Հուսով եմ՝ ձեզ դուր եկավ այս բաղադրատոմսը: Մինչ նոր հանդիպում: :) :) :)
Յան, թթվասեր չես անում?
ReplyDeleteՎարդ ջան, երբեմն թթվասերով էլ եմ եփում, ուղղակի էս անգամ որոշեցի ավանդական ձևով՝ միայն մածունով պատրաստել: Բայց եթե թթվասեր+ մածուն եմ պատրաստում, էլ կարագ չեմ ավելացնում: Որպեսզի ավելորդ կալորիաներ չավելացնեմ: :) :) :)
ReplyDeleteThis comment has been removed by a blog administrator.
ReplyDelete